وهـ وهـ بســآكيت وٍحلوٍيــآت وٍعصيرٍآت وٍعلوٍكـ وٍإٌلعــآب قديمهـ..هل تتذكرٍهــآ؟؟

الفتى · 19-07-2008, 05:49 PM

السلام عليكم ورحمة الله وبركاته ..!

أحببت أقدم لكم اشياء قديـمه

الذي قد يتذكره البعض ويغيب عن الآخر

بعضه اندثر

وبعضه مازال

وبعضه تجدد

وهذا الموضوع الغرض منه سعة الصدر والضحك

لا يجينا واحد ويسوي نفسه جاد

صح تبون صور رومنسيه صور مهند ونور لميس ويحيى

لكننا نبي نوسع صدروكم

المهم أترككم مع الصور

أولا / الفشافيش

طبعا أي بطاطس في السابق نسميه فش فاش

ولا تدققوون

بطاطس مرحبا ( وحبيت أبدأ به لأانه يحمل الترحيب)

فش فاش هيا إلى المدرسة !!

والله الاسم الزين بعد !!

بطاطس السيارات

فش فاش نسمه

طعمه لا بأس به

ثانيا / البساكيت

بسكوت أصابع

طعمه لذيذ وبسكوته هشّ جدا

وفي وسطه كاكاو

إن كانه يباع علموني تكفون

بسكوت السعادة

وقد أعدم هذا البسكوت من على وجه الأرض

وهو عبارة عن قطعتين بسكون بينهن طبقة كريمة (ساندوتش)

وطريقة أكله السائدة :

أننا نفك الطبقتين ونقرّ (نحك) البسكوت بسنوننا حيث الطعم الرائع

بسكوت مربعات

قديم ولذيذ جدا كما لا يخفاكم

اصيل من جد

الاسم والشكل ما تعيرت

واحذروا التقليد تراه يوجع البطن>>خخخخخ

يسكوت مثلث

طعمه لذيذ جدا ولا يزال موجود بالشكل والطعم

وكنت أحبه يصير مايع

علشان ألحس قرطاسته

وكنت ألحس القرطاسة ليييييييين يطلع طعم مرارة القرطاسة

وبعض الأيام أتعيجز ألحسه فأضطر أني آخذ القرطاسة وهي طافحة بالشوكولاته وأعلك أبوها
>>>هههههههههههههههههههههههههههه

بسكوت مينو بالموز

بيني وبينك عداوة يابسكوت مينو

قد كلته ومغصني بطني ودخنت كبدي

وكرهته لأنه يليّص كبدك بطعم الموز

والعجيب أنه موجود إلى الآن >>>مــااحـبه

بسكوت ابو ميزان

وكنا ناكله مع الشاهي

ولذيذ

بسكوت لولو

يازينه زيناااااااااه

بس الظاهر أنه انقرض

هذا كيك لذيذ
نسيت وش كنا نسميه ياليت أحد يذكرنا

ثالثا / العلوك

علك أبو طبعة وله مسمى ثاني سئ الذكر

والعلك هذا فيه ناس تحبه مرّه وفيه نا تكرهه مرّه

أذكر أننا نلحس يدينا وناخذ غلافه ونلصقه على مكان اللحسة وتنطبع الصورة اللي في الغلاف على اليد

هذا العلك كنت أسميه

" علك خالتي حصة"

لأنها رحمها الله كانت كثيرا ماتعطيناه
وهو علك بارد قاسي لأول وهلة

ثم يذوب في فمك كأجمل ما يكون

آآآآآآآآه يا علك بباي يتعب حنكي ما شبعت منه

عبارة عن أسلاك علكية لونها أخضر

طعمها لذيذ

رابعا / الحلويات

حلاو توفي

ولا يزال موجود بطعمه اللذيذ إلا أني لم أجد غلافه القديم

حلاو أبو مناظر (نظارات)

ولا يزال موجود
>>بصــراحه امووت على هالحلوهـ خخخ

حلاو أبو ملعقة

لذيذ يوجع الكبد

حلاو جلي

كان الواحد منا يقضي عليه بشفطه واحدة

والطعم الموجود الآن يختلف

حلاو كور

وله طعم فريد يختلف عن الموجود الآن

أذكر كنّا نتفالق به (كل واحد يصقع راس الثاني)
ههههههههههههه

حلاو بلك

حلاو حامض حلو

موجود حتى الآن

وكان غلافه السابق يختلف لكن ما وجدته

حلاو سبحة

وبعضه يجي على شكل ساعة

وناكلك حبة حبة

حلاو فواكه

حامض حلو

ناعم في البداية خشن يمخش اللهات في النهاية

حلاو بقر

لذيذ بطعم البقر !!!!

قصدي بطعم الحليب والكارميل

ولذيذ إذا كان طري

أما إذا صار يابس

يكسر أبو أسنانك
[[[يتبــع]]]

خامسا / الألعاب

هذي كانت موجوده بالشكل هذا

في داخل هذا الغلاف كيس صغير فيه مادة سائلة

إذا ضغطته

جلس كم ثانية

وينفجر

بووووووووووم

والظاهر أنه يباع حتى الآن بس بغلاف مختلف

هذي تجي اشكال طيارات وطيور من فلين

مفككة تركبها أنت وترميها وتطير
(هذ نموذج الطيور)

وهذا نموذج الطيارات

ياقدمهاااااااااااااااااا

هذا معجون يجي لاصق فيه الأنبوبة الوردية

وبدورك تقوم بوضع المعجون على احد طرفي الأنبوب

وتقوم بنفخ الفتحة المقابلة

ليظهر كما في الصورة التالية

ومن ثم تعزل البالون عن الأنبوب

وتتمتع باللعب فيها

ويتمتع هذا البالون برائحة كرييييييييهة

كورة متفوخة

هذي الكورة تجي في كيس

بحجم صغير وكبير

ثم تنفخها وتلعب بها

وهي كسابقتها ريحتها مخيسةخخخخخخ

سادسا / المشروبات الباردة

وهي كثيرة لا يزال كثير منها موجود

ومن القديم

عصير أبو كاس

ويأتي بنكهات

وهذا عبارة عن بودرة تصب عليها ماء وتصير عصير

نفس فكرة التانج

بس طعمها مش ولا بد

وهذي مجموعة قديمة لاتزال موجودة ولكن بشكل مختلف

سابعا /

العسكريم (الآيس كريم)

عسكريم ابو كورة

ومنها عسكريم تاكسي بس مالقيت صورته

وعسكريمات أخرى

بعضها موجود حتى الآن ولكن بشكل مختلف

-------------

اتمنـــى انــي وسعــت صـــدوركمـ،،،
ورجعتكــمـ للخـــلفـ..

في انتظــار تعليقاتكـــمـ،،،

جذابه واخت اذيابه · 23-07-2008, 01:03 AM

وسعت صدري الله يوسع صدرك بالعافيه

ذكرتني زمان اول بس الموجود الان طعمه مو زي اول

مشكور اخوي على الموضوع الحلو

.~.مهره.~. · 23-07-2008, 01:40 AM

ياااااااااااااااااااااااااااااي
اما بسكوت المربعات هذا انا افطس عليه >>>توي ماكله واحد هع
يسلمو يامال العافيه

ذكريات عاشق · 23-07-2008, 04:21 AM

يالله

ياشيخ ذكرتني في بيت جدي الله يرحمهـ
وخاصه الطياراه اللي تتركب

والعلك يازينه مع انه يوجع السن لأنه قاسي
بس له طعم رهيب خخخخخخخخخخخخخ

يعطيك الف عافيه يالفتى

ولكن مكان الموضوع قسم الصور
تحياتي

الفتى · 23-07-2008, 04:30 AM

اختي جذابه واخت ذيابه

والله انك صادقه الطعم مب زي اول

اشكرررررررك على المرووووووووووووور

اختي مهره الله يسلمك انشاء الله

واشكررررررررك على المرووووور

اخوووي ذكريااااااااات عاشق الله يرحم جدك انشاءالله

اشكررررررررررك على المروووووووووور

يالييييييييت اياااااااااااااااااااااااام زمااااااااااااااان ترررررررررجع

ولا يهمك المره الثااانيه احط في قسم الصوووووور

اخوووووكم
الفتى

H-R-M-A · 24-07-2008, 02:06 PM

واااااااوتس
يجنن فية شئ لحقنا علية
وشئ للاسف مالحقنا علية

مشكووورالفتى..
................................

الفتى · 24-07-2008, 02:36 PM

اشكرررررررررك اختي على المرور

اخووك
الفتى


[ قريباً ]	[ قريباً ]	[ قريباً ]	[ قريباً ]

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

آخر المواضيع
سكران حـــاط موضوع...>>>ماهو أنا..!... آخر رد: .~.مهره.~. <::> برونزي .. ازرق .. احمر آخر رد: ذكريات عاشق <::> أختااار سواق أو شغالة آخر رد: .~.مهره.~. <::> من العضو الي تتمنى تشوفه؟؟ آخر رد: .~.مهره.~. <::> ((عمارة ورى المنتدى))....!! آخر رد: .~.مهره.~. <::> اهدي الورد .... آخر رد: .~.مهره.~. <::> مين تهدي البوسه ومين الكف ومين الغم... آخر رد: .~.مهره.~. <::> يا شباب ملاحظين هذا الشي......!! آخر رد: شموخ والبشر من حولي تدوخ <::> شعر انا كاتبته آخر رد: شموخ والبشر من حولي تدوخ <::> اللي ما عمره جا تبوك..... آخر رد: شموخ والبشر من حولي تدوخ

إعلانات